Tevger rêxistinên ekolojiyê û partiyên siyasî li dijî talankirina xwezayê û daristanên Kurdistanê dikevin nav liv û tevgerê. Bi pêşengiya Kongreya Civaka Demokratîk (KCD), Tevgera Jinên Azad (TJA), Partiya Herêmên Demokratîk (DBP), Partiya Demokratîk a Gelan (HDP) û Tevgera Ekolojiyê ya Mezopotamya dê bi dirûşma “Em li dijî şer û talankirina xwezayê dimeşin” di 17’ê îlonê de li Çiyayê Cûdî meş bê lidarxistin.

Ev saziyên navborî ji bo meşa li dar bixin dê di 5’ê îlonê de li Amedê daxuyanî bidin çapemeniyê û banga beşdariya meşê bikin.