Cara yekem li cîhanê jinek  nîştecih û cotkar a li Bolîvyayê ku di nav  tevgera jinên pêşeng de cih girtiye, bû wezîra Wezareta Çand, Dekolonîzasyon û Jiholêrakirina Serdestiya Mêran a Bolîvyayê.

Sala borî li parlamentoyê  yekgirtina partiyên rastgir û çepgir bi darê zorê kir ku serokê dewletê Evo Morales îstîfa bike. Piştî hilbijartinên pêşwext partiya Morales MAS (Tevgera Ber Bi Sosyalîzmê Ve ) bi ser ket. Piştî ku Luîs Arce wek serokê  dewletê hat  hilbijartin û kabîneya nû aşkera bû, wezareteke nû  hat damezirandin.

Li gorî daxuyaniya Alîgiriya Berpirsê Serokê Ragihandina Bolîvyayê, wezareta navê wê “Çand, Dekolonîzasyon û Depatriarkalizasyon (Jiholêrakirina Serdestiya Mêr)” e  xwediyê erka  teşwîqkirina polîtîkayên çandî yên der barê serweriyê de û jiholêrakirina newekheviya di navbera gelan de ye.

Serokê dewletê Arce der barê erka wezaretê de ev tişt got: “Jiholêrakirina mêtingerî û baviksalariyê, newekhêviya navbera gelan û her wiha ya navbera jin û mêran de  şikandina nêrîna  hegemonyaya yekdengî ye.”

Jina têkoşer Sabîna Orelanna, di heman demê de  temsîlkara Konfederasyona Neteweyî ya Jinên Gundî û Niştecihên Bolîvyayê ye. AMED