Li çiyayên Kurdistanê her roj di encama operasyonên artêşa tirk de agir bi daristanan dikeve. Herî dawiyê piştî topbaranê agir bi qada daristanê ya Çiyayê Cûdî ket û hat diyarkirin ku bi tu awayî mudaxale nehatiye kirin.

Parlamenterê HDP’ê yê Şirnexê Huseyîn Kaçmaz têkildarî şewata li Cûdî dest pê kiriye, li ser hesabê xwe yê medyaya dijîtal parvekirinek kir û got ku bi topbaranê agir bi daristanê ketiye.

Huseyin Kaçmaz wiha got:”Di roja cejnê de jî li dijî xwezayê dijminatî tê kirin. Bi topbaranê agir bi qada daristanê ya Çiyayê Cûdî ket. Ji bo agir bê vemirandin jî heta niha tu tişt nehatiye kirin.”