Meclisa Komîseran a Komisyona Hilbijartinên Iraqê li ser hilbijartinên Parlamentoya Herêma Kurdistanê civiya. Piştî civînê Serokê Komîsyona Bilind a Serbixwe ya Hilbijartinan a Iraqê Hakim Umer Ehmed daxuyaniyek çapemeniyê da.

Hakim Umer got ku sibe bi awayek fermî propagandaya hilbijartinên Parlamentoya Herêma Kurdistanê destpê dike.

Hêjayî bibîrxistinê ye wê hilbijartina parlementoya Herêma Kurdistanê roja 20’ê Cotmeha 2024’an were lidarxistin. Wê hilbijartina vê carê ya parlementoya Herêma Federal a Kurdistanê ji aliyê Komîsyona Bilind a Serbixwe ya Hilbijartinên Iraqê ve bê birêvebirin.