Li başûrê Kurdistanê xwendevanên zanîngeh û peymangehan carek din daketin qadan û daxwaza mafê xwe kirin. Xwendevan diyar dikin heta daxwazên wan neyên bi cihanîn, ew ê çalakiyên xwe berdewam bikin.
Nerazîbûna xwendevanên zanîngeh û peymangehan ya li dijî nedana xerca mehane û nebûna xizmetguzariyan dewam dike. Îro jî bi vekirina deriyên zanîngehê, xwendevan li zanîngehên Koye, Silêmanî, Ranye, Qeladiz û Kelarê çalakî li dar xistin.
Xwendekarên ku li ber derê zanîngehan kombûne diyar dikin, ew daxwaza mafên xwe dikin û heta daxwazên wan neyên bi cihanîn, wê xwepêşandanên wan berdewam bikin.
