Ji ber erdheja çêbû HPG’ê biryara bêçalakiyê girtibû. Tevî vê biryara bêçalakiyê jî Tirkiye êrişî deverên başûrê Kurdistanê dike. Li gorî nûçeya ANF’ê kus partiye daxuyaniya Navenda Ragihandin û Çapemeniyê ya HPG’ê, Tirkiyeyê li dijî hin deveran bombeyên fosfor bikar aniye.

Beşek daxuyaniya têkildarî êrîşan hatiye dayîn wiha ye: “23’yê sibatê li nehiya Şêladizê ya navçeya Amediyê, çeperên me yên berxwedanê yên li nêzî gundê Sîdayê 25 caran bi bombeyên qedexekirî û topên ji madeya fosforê yên ji tankan hatin avêtin, hatin bombekirin. Qadên Berxwedanê yên Girê Amediyê û Girê Bahar, derdora gundê Sîda yê nehiya Şeladizê ya navçeya Amediyê di 23’yê sibatê de 10 caran bi balafirên şer hatin bombekirin. Her wiha qadên Berxwedanê yên Girê Amediyê û Girê Cûdî û çeperên berxwedanê yên li nêzî gundê Sîda û qada Çemço yên nehiya Şeladizê ya navçeya Amediyê 83 caran bi obus, hawan, tank û çekên giran hatin bombekirin.”