Pîrozbahiyên Cejna Newrozê îro li 10 navendan didome. Bi dirûşma “Rêbertiya Azad Civaka Demokratîk” li 10 navendan agirê Newrozê hatiye pêxistin û ji aliyê bi deh hezaran tê pîrozkirin.

Li Kêleka Keleha Wanê bi deh hezaran welatî ji saetên serê sibehê ve herikîn qada Newrozê. Bi geşkirina agirê Newozê şahiya gel jî derket asta jor.

Li Tetwana Betlîsê jî ji bo pîrozkirina Newrozê welatî herikîn Qada Fuara Tetwanê dest bi pîrozbahiyên Newrozê kirin.

Li çewlikê bi hezaran welatî daketin Cadeya Nexweşxaneyê ya li Taxa Sarayê û dest pîrozbahiyên Newrozê kirin.

Li Şirnexê jî bi hezaran welatî herikîn Qada Newrozê ya li hemberî zanîngehê û ji saetên serê sibehê ve Newrozê pîroz dikin.

Li Mûşê jî li Qada Gara Trenê welatiyan dest bi pîrozbahiyê Newrozê kir.

Agirê Newrozê li Navçeyên Nisêbîn û Stewrê yên Mêrdînê jî geş bû û bi deh hezaran welatî herikîn qadan û dest bi pîrozbahiyên Newrozê kirin. Li Nisêbînê Qada Parka Cegerxwîn û li Stewrê jî Qada Surgucuyê pîrozbahî didome.

Li navçeyên Rihayê yên Wêranşar, Pirsûs û Hewangê Newroz tê pîroz kirin. Li Wêranşarê li Bazara Sewalan a li ser Rêya Demîrcî ya li Taxa Şirnexê, li Pirsûsê li Kêleka Yedîemînê ya li ser Rêya Simakê û li Hewagê jî li Qada başûrê Geraja Şaredariyê Newoz tê pîrozkirin. Bi hezaran welatî ji saetên sibehê ve ye diherikin qadên ku Newroz lê tê pîrozkirin.