Endama ERGFî Leyla Xalid, Aysel Tugluk rê mesaj şawit û vat: “Pêwa heme tepişteyê sîyasî yê zîndanan ê Tirkîya ma hêvî kenê ke şima azad bibê.”

Endama Polîtbûroyê Cepheyê Xelasîya Şarî ya Filistînî (ERGF) Leyla Xalid mesaj sîyasetmedara kurde Aysel Tugluk rê şawit ke teşhîsa demansî ame dayîş, reyna zî nîna veradayene. Mesajê Xalide ”Seba Aysel Tugluk 1000 cinî” weşêna.

Leyla Xalid mesajê xo de vengdayîşê dewleta Tirkî kerd heqê merdiman têbigêro û wina vat: ”Aysela delal, ma cinîyê Filistînî, heskerdişê xo to rê şawenê û paştî danê to. Ma hêvî kenê ke demêk kilm de pêwa heme tepişteyê sîyasî yê zîndanê Tirkîya şima azad bibê. Wa moralê şima geş bo. Şima do azad bibê.”