Êrişên leşkerên Tirkiyeyê û rejîma Îranê yên li ser sînorê Bakur û rojhilatê Kurdistanê li dijî kolberan berdewam dikin. Di Cotmehê de leşkerên Tirkiye û Îranê êrîşî kolberan kir û 3 kolber qetilkirin û 10 jê giran bi giştî 27 kolber jî birîndar kirin. Gelemperiya bûyerên mirin û birîndarbûnê di nava sînorê Îranê de qewimîn û hat zanîn ku yek ji kolberên hatiye qetilkirin di bin 18 saliyê de bû.
Hêjayî gotinê ye di 10 mehên ewil ên sala 2023’yan de di encama êrişên çekdarî yên li ser sînorê Bakur-Rojhilat de herî kêm 25 kolber hatin qetilkirin û yên herî zêde hatine qetilkirin jî ji bajarê Kirmaşanê bûn.
