Dekewetişê dewa Talê ya Colemêrgî de leşkeran adir vist daristanî.

Leşkeran dekewtişê dewa Talî ya Colemêrgî de goreyê îdîayan hetê Çemê Zapî de fîşekî raşayî. Netîceya raşnayîşê fîşekan de daristan de şewat vejîya.

Semedo ke dewe de torra telefonî çin a dewijî nêeşkayî agahîye bidê îtfaîya. Dewijî şîyî warê şebekeyê telefonî û înan xebere daye îtfaîya. La şewat nêame hewnakerdene.

Dewijan vat: ”Leşkerê ke dekewtişê dewe de nobete gênê ge ge fîşekan erzenê daristanî. Ma şîyî xebere daye îtfaîya la heta ke îtfaîya ameye şewat vika bi. Îtfaîya zî nêeşkaye şewat hewna bikera. Eke şewat wina dewam bikero herêma ma do biba wele. Ma wazenê wa hewayî ra şewat bêro hewnakerdene.” COLEMÊRG