Hukmatê Almanyayo ke paştî dano hêrişanê îşxalî yê dewleta tirke yeno rexnekerdene. Kurdistanijan Eyaletê NRWyî de Wezîra Karanê Teberî Annalena Baerbocke Wuppertal de protesto kerde.
Wezîra Karanê Teberî Annalena Baerbock seba propagandaya weçînayîşî şîbî şaristanê NRWyî yê Wuppertalî. Baerbocke wexto ke qisey kerdêne hetê kurdistanijan ra ameye protestokerdene.
Kurdistanijan çalakîye de pankarta ‘Kurdistanî bipawê’ akerde û bi slogananê sey ”Panzarê Almanya wa Kurdistanî ra vejîyê û ”Almanya fînanse kena, Erdogan bombarduman keno” dest pê rayraşîyayîşî kerd.
