Koyê Bagokî yê qezaya Nisêbînî yê Mêrdînî de operasyono leşkerî virazîya û herême ameye bombardumankerdene.
Koyê Bagokî yê qezaya Nisêbînî yê Mêrdînî de bi beşdarîya bi seyan leşkeranê tirkan operasyono leşkerî dîya destpêkerdene. Bi hezaran leşkerê tirkî û wesayîtê zirxinî sewqê herême ameyî kerdene û xeylêk noqtayan de mewzîyî ronîyayî.
Serê sibayî zî serê herême de helîkopterî gêrayî. Leşkeran şiwaneyî bi zorî herême ra şawitî û anonsî kerdî ke wa dewijî nêvejîyê teber.
Dima berzîyê Koyê Bagokî dîyayî bombayan ver.
Hetê bînî ra ame parekerdene ke hetê Mîdyadî ra ver bi herême zî xeylêk cerdewan û leşkerî ameyê sewqkerdene.
