Metîn û Kemal Kahramanî da zanayene ke konserê înan ê Mûşî rojêke verî ameyo betalkerdene.

Konserê Mûşî yê Metîn-Kemal Kahramanî yo ke ewro do biameyêne kerdene hetê Walîtîya Mûşî ra ame qedexekerdene. Metîn-Kemal Kahramanî bi eşkerayîyêke xebera betalkerdişî da zanayene.

Eşkerayîye de ame vatene ke betalkerdişê konserî têna vera hunermendan nê vera goşdaran, muzîsyenan û xebatkaranê muzîkî zî bêhûrmetî ya. Metin-Kemal Kahramanî pare kerd ke înan mengî verî amadekarîyê konserî kerdî, bilêtî rotî, destûr girewt û walîtîye pê na bira xo zor da merdiman. Birayanê Kahramanan vat: ”Walîtîye bi nê hawayî têna nefretê xo nêmusna û waşt ke ma raştê zerarê madî û manewî bêrê. Sere de MUYOR-BÎR û MESAM ma venga pêro dezgehan danê ke vera na rewşe tewir bigêrê.”

Verî zî konserê Aynur Dogane hetê Şaredarîya Kocaelî ya AKPyî, kayê Tîyatroyê Şaristanî yê Amedî û Şaredarîya Çayirova ya Kocaelî ra amebî qedexekerdene.