Unîversîteya Çewlîgî konserê Alî Dogan Gonultaşî asteng kerd.

Îdareyê Unîversîteya Çewlîgî konserê Mîkaîl Aslanî ra dima konserê Alî Dogan Gonultaşî zî asteng kerd.

Îdareyê unîversîte verî salona xo 2.500 lîra ra dabî Gonultaşî la dima bahaya salone kerd 20 hezarî lîra.

Hunermend Gonultaşî hesabê xo yê medyaya dîjîtale de derheqê babete de eşkerayîyêke daye û vat: “Bahaya salone bîya 20 hezarî lîra. Ma qaşo 26ê teşrîna peyêne de tede konserêk bidayêne. Bira unîversîte yena manaya ‘tîya de konserê to qedexe yo.’ Nê welatî de vera motîvasyonê muzîkkerdişî kêmîyeno. Îfadeyê ma (şîîr, muzîk, sînema) pêro sansuran ra hîna xurt ê.”