Komeleya Edebîyatkaranê Kurdan a ke Amed de xebatanê xo rayîr ra bena, Kongreya xo ya Asayî ya 3. bi dirûşmeya, “Edebîyat pirdê azadî û demokrasî yo” kerde. Kongre, hewşê awanîya komele de virazîya. Hemserekê PENa Kurd Omer Fîdan, Hemserekê MED-DER’î Remzî Azîzoglu, Hemşaredarê Peyasî Bêrîvan Sîncar û Cengîz Dundar û zaf edebîyatkarî beşdarê kongre bîyî. Cayo ke kongre ameyî viraştene de pankartê; “Edebîyat pirdê azadî û demokrasî yo” û pankartê bi lehçeyanê kurmancî û kirmanckî ameyî leqnayîş.
Kongre, bi rêzgirewtişê cangorîyanê têkoşînê azadî û demokrasî dest pêkerde. Weçînayîşê dîwanî ame kerdiş.
Kongreyê Komeleya Edebîyatkaranê Kurdan Hemserek û îdarekarî ke ameyî vîjnayîş înan ra Hemserek Hecî Ozkal û Îdarekar Alî Ozgenî rojnameyê ma rê qalî kerdî.
Kongreyê wajokaran ame viraştiş
Ewro zî çi heyf ke daraxa ke ma tede yê ez pey kêfweş nîya. Ez bi xo zaf xemgîn o û seba ke ez xemgîn bîyo, mi xebata kirdkî xo rê vijînaya û kirdkî ser o xebitîno. Ez nê 25-30 serrî yo ke kirdkî serr o xebitîyeno.”
Hecî Ozkal dîyar kerd ke; “Eyro seba ke kongreyê Komela Wajokeran omey viraştiş û bi raya embazon, bi vengê embazon ez omeya vîjnayîş, ez embazon rê weş û warey wazeno.” Hecî ina ard ziwan, “Hewayêko şarê ma zî nuştox û wendoxî zanê seba kirdkî halo ke kirdkî tede yo, zerrîya ma veşneno, qesbaya ma kujubneno. Hecî wina dewam kerd: ”Kirdkî, zarawayê kurdkî yo tewro veren o, bi hezar serran dima ameyo heton eyro roj û çi heyf ke daraxa ke kirdkî tede wo ma pey kêfweş nîyî.
Bi serran o ke ez xebata kirdkî keno.
Ez bi xo zî tede zaf xemgîn o û seba ku ez xemgîn o, mi xebatê zazakî xo rê vîjnayî û xebitîno. Ez nê 25-30 serrî yo ke kirdkî ser o xebitîyeno.” Hecî ana peynî arde vat: “Embazê ke kirdkî ser o mujul benî, wa bêrê wita de Komela ma de ca bigîrê, ma pîya bixebtîyê û wa komîsyonon de ca bigêrê. Halo kirdkîyê ke ma tedeyî û hewayêko warsîye qerfîna yena, leyr bena, xo ra ver heme çîyan xo ro pêşena bena, wa kirdkî ser o ina yew sewm nêvirazîyo. Eke esto zî ma iney lete lete bikerê, kirdkî ser ra deh bikerê. Embazano ke na xebate de ca girewto, ez heme embazonî rê serkewtiş wazena.”

Kongreya Wajokaran weş vîyart

Îderekarê Komela Wajokaran Alî Ozgenî vat ke; “Kongreyê Wajokaranê Kurdkî rind vîyart û alaqederê însona weş bi û ma zaf kêfxeş bîyî.” Ozgenî ana dewam kerd û vat:“Rardberanê verînan xebate xo hetan yew noxta arda, yew xebata înan a erjaye bîya, Ma zî wazenê ke eyro ra pey, xebata wajokaran berê aver, şarê ma rê bar bikerê, xabata wajokerî, hîna rind bikerê, torin bikerê.” Ozgenî wina qedîna, “ Pedeşoyê ewroyine ra pey zî ko xebatê başî bibê. Ma ko xebatanê neweyan bikê û bi taybetî zî xebata zazakî zî aver berê.”