Komîteya Abdullah Ocalanî rê Azadîye ya Swîsî derheqê rewşa Rayberê Şarê Kurdî Abdullah Ocalanî de eşkerayîyêka winayêne kerde: “Ma her wextî ra zafêr vanê ke wa Abdullah Ocalan cade serbest bêro veradayene.”

Eşkerayîye de nê ameyî parekerdene: “Hetê CPTyî ra heyetêk rojanê ravêreyan de semedê pêvînayîşê Abdullah Ocalanî şî Îmrali la Ocalanî reyde pêvînayîş nêame kerdene. Xeylêk wext o ke Abdullah Ocalanî ra xebere çîn a. Rixmê nê qet endamêkê heyetî Ocalanî nêdî. Ma na rewşe ra razî nîyî. Hemrayê Ocalanî û ma semedê Ocalanî qisawet kenê. Coka ma hukmatê tirkî ra wazenê ke wa cade derheqê aqibetê Ocalanî de zanayîş bidê, wa pêvînayîş bêro kerdene . Ma her wextî ra zafêr vanê ke wa Abdullah Ocalan cade serbest bêro veradayene.”