Komîteya Amadekarîye ya Festîvala Kultur û Xoza ya Munzurî vera qedexeyanê walîtîye eşkerayîyêke daye û dîyar kerd: ”Rayraşîyayîşê vera qirkerdişanê xoza, asîmîlasyon, xizanîye û eşkerayîya çapemenîye heqê esasî yê û nênê astengkerdene.”
Komîteya Amadekarîye ya Festîvala Kultur û Xoza ya Munzurî bi eşkerayîyêke vera qedexeyanê walîtîye nêrazîbîyayîşê xo mojna.
Eşkerayîye de bale ameye antene ser ke şaristan de bi desan noqtayê kontrolî ronîyayê û nê noqtayî hem nêverdenê merdimî bi rehetî têgêrê hem zî manenê kerdişanê serranê 90an. Komîte vat: ”Eşkera yo ke ma qedexeyê topyekûnî de têrî yê.”
Eşkerayîye de nê çîyî ameyî waştene:
”-Wa pansîyonê wendekaran seba meymananê ke teberî ra yenê bêrê akerdene.
-Stadyum wa seba konseran bêro akerdene.
-Qedexeyê dekewtiş û vejîyayîşê şaristanî wa bêro wedaritene, hêriş û qedexeyê vera hunermendan wa cade biqedê. Ganî grûbê muzîkî bieşkê debikewê şaristanî.
-Rayraşîyayîşê vera qirkerdişanê xoza, asîmîlasyon, xizanîye û eşkerayîya çapemenîye heqê esasî yê û nênê astengkerdene.
-Qedexeyê bînî yê vera festîvale wa cade bêrê wedaritene.”