Tirkiyeyê di 20’ adarê de biryara vekişîna ji Peymana Stenbolê dabû. Li hundir û derveyî welat li hemberî vekişîna ji peymanê jinan bertek nîşan dabûn. Sazî rêxistinên jinan hê jî van bertek û nerazîbûnên xwe didomînin.
Herî dawiyê Komeleya Jinan a Rosayê ji bo betalkirina feshkirinê serî li dadgeha bilind da û doz vekir. Komeleyê daxwazname da Dadgeha Bilind û di daxwaznameyê de destnîşan kir ku feshkirina peymanê binpêkirina hiqûqê ye jî.
Komeleyê da zanîn ku ji bo ku mafê mirovî yên jinan were parastin hewceye ev biryara ku Serokomar Erdogan di şevekî de dayî were feshkirin. Her wiha Komeleyê di daxwaznameyê de ragihandin ku ev biryar li dijî Destûra Bingehîn e û xwestin ku were sekinandin.
