Modernîteya kapîtalîste komel erdo îna dahkara. Çend serrî yo komel gorebê polîtîkayonê şerê arîzî hawa gîno. Şerê arîzî hemetîya (pêroyî) komelî herimnaya. Armancê şerê arîzî îna yo xora. Na babete dî çihindaye reso armancê xo ihindayê armancê xo bena serre.

Erceyê cuyeyê komel manadê ayeyî da. Cuye toyê erceyon sero awan bibo se manaya aye cuye est a. Aye ra teber cuye bêmana ya. Nê erceyê çina yê. Hemo çiyî ra verrî bawerî ya. Bawerî dima, îdeolojî yena. Înen ra dima ehlaq, çandê ma eşkenê bomarê. Ma înehewa hem eşkenê hawa (şekîl) bidê komelî hem zî yew komelê neweyî awan bikerê. Kom komel cuya xo gorebê nî erceyon xo awan nêkero hem galon sewbina hêzon rê akerde beno hem zî cuya ke teber ra yena tesîrê aye de moneno. Tarîx de na mesela timo înehewa bîya. Kom komel yan zî şarî erceyê xo, xo virdî kerdo bîyo kolonyalê aye netewonê bînon. Ayo ke nêşkeno xo bibo, aye ko nêeşkeno xo raybifîno peynî de beno sey serdeston. Xerîbê erceyonê xo bîyayîş halê xo nêbîyayîş o, merg o. Komelêko ke omeyo nê halî o komel gorebê zîhnîyetê serdeston awan beno, verê xo dono ayenî. Înehawa yew komel ra xêyr nêyeno.

Polîtîkaya hukumrano

 Komel ewro kewt înewa yew halî. Raştîya ma îna ya. Modernîteya kapîtalîste komel erdo îna dahkara. Çend serrî yo komel gorebê polîtîkayonê şerê arîzî hawa gîno. Şerê arîzî hemetîya (pêroyî) komelî herimnaya. Armancê şerê arîzî îna yo xora. Na babete dî çihindaye reso armancê xo ihindayê armancê xo bena serre. No sebeb ra timo çinîbîyayîş komel xo vera nona. Polîtîkaya hukumrano îna ya. Hima waxto ke na polîtîka temaşe kena, hêzonê ma vernona, nebesonê ma binge gîna. Yew cade komel mîyon de pêroyî çinî ya se ewre de komelî gorebê dewleta netewe hawa girewto, lete lete bîyo. Komel ke lete bîyo hergo tewr nêweşî tede est a, wênina.

Erceyê komelî û desthelatdar

 Serdestî tarîx de senîhewa pergalê xo awan kerdo se, gorebê ê pergalî zî cuye û têkilîyê (girêdayene) xo awan kerdê. Çûnkî cuye û têkilîye cayê pergalê serdeston ceribnayiş o. Kom pergal beno va bibo encax cuye û têkilîye de ceribnayîşî reydi xo bewlî keno. Aye ra teber yew çîye çini yo. Serdestê komelî komelî dewlete wênenê. Xo wayîrê hem komel hem zî merdimon wênenê. Gorebê nafon de xo hawa donê komel û merdimon zî. Werba komelî çina ayenî dest bikero se aye şuxulnenê. Ca yeno komel peyî şer one rayîr xo ca beno no sîyaset peyî şerê arîzî one ca, ca beno sewbîna haceton reydî nê sîyasetî kenê ke berî serre. Hima derdê serdeston ewte de şar yan zî komel xo nêeşko biparîzo. Nomebê komelî inê benî. Serdestî waxto ke nê sîyasetî şuxulnenê, nomebê komelî şuxulnenê. Hima bingeyê nê sîyasetî nafê serdeston o. Desthelat yan zî desthelatdarî hawa xo komelî awan kenê. Heme çi gorebê nafon ayenî bewlî beno. Komel înehewa herimnenê desthelatdarî. Ma aye komelî ra verikan kenî, gerek ma na raştîye timo berrî çimonê xo verrî û gorebê na raştî gomonê xo berzî û tîbigêrî. Kom hemingêr (tevger) beno se va bibo gerek na raştîye xo vîrrî nêkero. Cawiko na raştîye vîrrî bîya, ewre de persgirêk vecîya. Kore de persgirêk est o se ewre de cevatîyet de yew kemonîye est a, ewre de komel ra teber yew zîhnîyet est o. Komelî ewre de erceyê xo vîndî kerdî. Herinda erceyonê komelî de qeydeyê desthelatdaron est ê. Komelo ke cevatîyetê xo vîndî kerdo aye komel de hergo nêweşî vecîyena yan zî aye komel zafê nêromeno. Bîyayîş ma pabîyayîş civakî de ma yo. Cavokê ma cîvakîya xo vîndî kerde, merdimê xo zî vîndî kerdî. Merdimo ke kewt no tewr hine nêeşkeno xo bibo, ayo merdim hine merde yo. Ma pîrro zonê ke persgirêkon de komel ra yew zî xo rêxistin nêkerdiş o. Komelo ke bêrexîstin o, aye komel nêeşkeno xo bibo.

Nêweşîyê ma

Komelo ke rêxistin bîyo, erceyon xo serrî ra xo awan kerdo, aye komel de persgirêkî gorebê prensîbonê demokrasî çareser benê. Hima komel ke seydî ma metîngehkaron reydî pîl bîyo se ewre de persgirêkon çareserî berdiş zehmet o. Çina ra?  Çûnkî aye komel de serdest gorebê xo qeydeyon ronenê yan zî bewlî kenê. Ewre de erceyê komelî çini benê. Nêweşî dormarê komelî gîna. Nêweşîyê ma zaf ê. Ez ewro nî nêweşîyon ra yew wazeno ko binuso: Tîryakîyîye.

Tîryakîyîye

Tîryakîyîye dormarê ma girewto. Amed de yew meseleyo pîl o. Ma her kes nê meseleyî ra lomê zî kenê. Hima ma zafê zi nê meseleyî ra dûr î. Ma dûrî zî vindenê. Heyon keyde ma ra yan zî dormarê de ma ra yew dest tîryak de nîmono se mana cade xo ra tênîgêrena. Ez wazeno ke inkê ra peyî nê rîpelî de serrî û na babete de binuso. Bimonê weşî de.