KNK-Rojawanî komxebata serê îşxalê dewleta tirke û yewîya neteweyîye daye destpêkerdene. Endamê Heyetê Rayberdişî yê KNKyî Ekrem Hisoyî vat: ”Dewleta tirke wazena ma qir bikera.”

Kongreya Neteweyî ya Kurdîstanî (KNK) ya Rojawanî pê beşdarîya temsîlaranê rêxistinan û şarî Qamişlo de pê şîarê Pê yewîya neteweyî îşxalî bin bikerê, verê şerê zereyî bigêrê’ komxebatêke daye destpêkerdene.

Komxebate de di beşî do ca bigêrê. Beşê yewinî de tehlukeyê îşxalê Kurdîstanî do bêro ercnayene û no beş hetê Sekreterê PDSKyî Cemal Şêx Baqî û Endamê Îdareyî yê KNKyî Ebîr Hesabî ra do bêro îdarekerdene. Beşê diyînî de nêzdîbîyayîşê kurdan ê bi prosesê nikayênî do bêro ercnayene û no beş zî hetê Endama Komîteya Hemserekîye ya Partîya Yewîya Demokratîke (PYD) Foza Yûsif û avûkat Fadil Musayî ra do bêro îdarekerdene.

Komxebate pê qiseykerdişê Endamê Heyetê Rayberdişî yê KNKyî Ekrem Hisoyî dest pêkerd. Hisoyî vat: ”Dewleta tirke wazena ma qir bikera û erdê kurdan îşxal bikera. Dewleta tirke kena ke akerdişê Berê Sînorî yê Til Koçerî asteng bikera.”

Netîceyê komxebate do pêşkêşê partîyanê Kurdîstanîyan bêrê kerdene. Komxebate pê nîqaşan dewam kena.