Kurdan weş fam kerdo ke bi her hawayî kurdîy do qezenç bikerêy. Kurdîy wazenê tirkî zî qezenç bikerêy. Sere de Ocalan wazeno ke kurd û tirk pîya qezenç bikerêy; şansêko newe û rayîrêko demokratîk bê xapênayîş bi edalet û bi heş, mojnayo rayberdanêy TC’yî. Nê semedî ra TC mecbûro ke berê bîyayîşî akero ra û gaman bierzo.
Birêz Ocalanî dewrêko newe, rupelêko saye, ya amayîşê kurdan û tirkan rê akerdo. Nê dewrî de rayberdê TC’yî, eke zey Ocalanî têbigeyrê, dewrî de do berê bîyayişî abo, eke tênêgeyrê, do berê çînêbîyayîşê Tirkîya abo. No zî bi her hawayî zirarê ma hemeyan o. TC gere gamanê şênberan berzo, çimkî zalimîy wazenêy ke tola xo wedarnêy.
Kurdan weş fam kerdo ke bi her hawayî kurdîy do qezenç bikerêy. Kurdîy wazenê tirkî zî qezenç bikerêy. Sere de Ocalan wazeno ke kurd û tirk pîya qezenç bikerêy; şansêko newe û rayîrêko demokratîk bê xapênayîş bi edalet û bi heş, mojnayo rayberdanêy TC’yî. Nê semedî ra TC mecbûro ke berê bîyayîşî akero ra û gaman bierzo.
Fîlozofê seserre
Belê, ma hemeyî zanêy ke Birêz Ocalan bi her hawayî vervînoxêko pîl o. Goreyê mi Ocalan fîlozofê na seserre yo. Amayîşê kurdan û tirkan tenê nê, amayîşê heme şaranê dinya ser û weşeya fezayî ser de mijûr bîyo, hewna zî beno û do bibo zî. Nê semedî ra, lazim o TCyijîy kurdan ra veşî weşeya Ocalanî biwazêy û fikrê ey ra warêteyî bikerêy. Mi ra vatiş, eke nêkerêy do tirkîy zaf çîyan vinî bikerêy.
Rêza game eştişî
PKK’yî bi vengdayîşê Ocalanî gamê şênberî eştî. La heta nê demî TC’yî gamêke nêeşte û heme çî raybereyî ser o de dayê vindarnayene. Gelo, hewna binmezgê TCyijan de xapênayîşê kurdan est o? Beno ke bibo. La dilê min wazeno ke hinî nêbo. Çimkî kurdan qet nêwaşto TC perçe bibo. Polîtîkay diryaye û çiryayeyê ke, bi destêy tirkan ameyê meydan û ardêy Tirkîya ser wazenê TCyî perçe bikerêy. Kurdan heta nêy gamî diryayê û çiryayeyê TCyijan deşto. 28 serewedarnayîşê kurdan heme semedê wedarnayîşê bêedaleteyî bîy. Herî peynî de zî Ocalan verê bêedaleteyî vinderto û na game rayîrêk mojnayo. Lazimo şarê TC’yî heme goş biderêy vengê ey.
Rewşa Tirkîya
Çimkî ewro TC kerdêy halê merdişî ver, bêedaletî ra destpêkerdo heta veyşanverdayîşê şaran û kurdan, no zî bes nîyo, torpîl û rotişê TCyî ra bigêy heta polîtîkaya şaş ya citkarey û heme polîtîkayan verde, sifte kurdîy vindertêy. Ma kurdan waşto ke heqê şaran bidêy û ma bi nuşteyê xo, bi xebata xo û bi çalakîya xo birîna TCyî derman bikerê ra xebitnayo û pîne kerdo û kenêy.
Netîceya TC’yî
Kurdîy zanê ke TC xirabe bo do sifte zirarê herî pîlî şaro kurd û welatijêy bindestî yê TC’yî do bivînêy. Ango welatijêy TC’yî heme zey fîlîstînijan do muhtacê nanêkî bibêy. Muhtacê heme çîyanê serekeyîyan bibêy. Ez hîna vana belkî tikeyê şima vano do hinî nêbo! Wa tu kes vîra nêkero ke, çimê zalimanê dinya hemeyan Kurdîstan û Anatolîya ser o de yo ke nêy cayan goreya xo talan û wêran bikerê. Ma reyna vîra mekerêy ke eke TC heşê xo meyaro sereyê xo û gamanê şênberan nêerzo, TC û Kurdîstan de 50 serrêy ma ver de zî do bi şer û pêrodayîşan ravêro. Belkî TC çînêbo! Belkî Kurdîstan awa bo! No bedilîyayîş do bi destê zaliman bibo û do gunîya ma bişimê, ma vera jûbînan bidê ke, ma amayîş de bi her hawayî nêeşkê serê xo weraznê…
Ewropayijî û kurdî
Lazimo şaro kurd Seleheddînê Eyûbî çi çî ardo serê ewropayijan vîra nêkero. Bi saya kurdan Seferê Xaçlîyan berteraf bîyî. Ango ma kurdan kalikê înan kişto. Gelo ma kurdîy weş zanêy ke kam ke merdimê ma bikişo, o kes dişmenê ma yo. Nê semedî ra zî, ewropayij û dostê înan, ma kurdan zey dişmenê xo vînenêy. Her çiqas nîyarê ziwan zî binmezgê înan de no gurîyeno. Ewro zî polîtîkaya înan ser o pere qezençkerdiş o. Eke firsend bivînê, do kurdan bi heskêkê awe de bixeniknêy.
