Dimay kovaranê kirmanckî (zazakî) ra, ma eno hewte zî bawnin kitabanê kirmanckî ê ke par veciyayê.
Îstatîstîkêko sera se destê ma de çiniyo, loma zî ma nêzanê çende kirmancî estê. La gorey vatişan re 3-5 mîlyonî kirmancî estê. A rast reqeme muhîm nîya. Welatê raver şîyê zey Swêd, Swîs û ê bînî, mektebêkî de 10 tûtî zî bibê qeybî înan, bi ziwanê înan derse virazenê. Ma qalê bi mîlyonan kirmancan kenê û bi se hezaran tûtanê înan ên bê derse, bê wendiş, bê kitaban…
Meselaya ma kurdan (çi kurmanc, kirmanc) eynî ya.
Qalê 20 mîlyon zêdeyêrî kurdan yeno kerdene bajaranê Bakur û bajaranê Tirkîya de. Çîke ma cor de qey kirmancan vat, qeybî kurmancan zî eynî çîyo; helbet rewşa kurmancî henî bîn baş a.
Gorey lîsteya ke mi diyarname.com de kerde hedre, par 350 kitabê bi kurdî (kurmancî, kirmanckî) veciyayê. Helbet ene hûmarêke zehf tay a. Di mîyanê ene hûmare de kirmanckî tewr tay a. Sera des zî nîya. Tam bi temamî 20 kitabê kirmanckî çiniyê di mîyanê lîste de. Nê vîst, la se hebe bo go sebo? Ma qalê bi mîlyonan kirmancan kenê û qalê bi se hezaran tûtan…
Verê heme çî, heme zehmetî û zordarî zî komêkê însanî estê kitaban nisnenê, komêke însanî zî înan çap kenê. Wa keyeyê înan awan bo.
Qeybî tarîx ma namey ê kitaban, lîsteya kitabanê kirmancî ê ke 2022’yinan de çap bîyê tîya binisnê.
– Çewlîgê Heywanan (ZAZAKÎ) / George Orwell / Werger Sezgîn Firat / Roman / Weşanxaneya Avesta
– Xayîs / Mikail Aslan / Şiîr / Weşanxaneya Dara
– Hayig / Mikail Aslan / Şiîr / Weşanxaneya Dara
– Pîya / Valêrî, Newzat / Şiîr / Weşanxaneya Peywend
– Meseleyê Verênî û Estonekê | Kirdkî-Zazakî / Cebeli Akyol / Estonek / Weşanxaneya J-J
– Dayika Şer | Kirdkî-Zazakî / Cebeli Akyol / Şiîr / Weşanxaneya J-J Zazakî
– Elik û Fatik / Seyîdxan Kurij / Hîkaye / Weşanxaneya Hîvda
– Dejê Nimiteyî / Seyîdxan Kurij / Hîkaye
– Prenso Qij / Antoine de Saint-Exupery / Açarnayîş: Seyîdxan Kurij / Hîkaye / Weşanxaneya Hîvda
– Çîrokên Semedê Behrengî -1 / Semedê Behrengî / Werger Ridvan Yildiz / Hîkaye / Weşanxaneya Hîvda
– Çîrokên Semedê Behrengî -2 / Semedê Behrengî / Werger Ridvan Yildiz / Hîkaye / Weşanxaneya Hîvda
– Poncas Pêxembero Mu‘ellîm / Mela Muhemmed Elî Hûnî / Şiîr/ Weşanxaneya Nûbihar
– Ferhengê Termanê Edebî / Roşan Lezgîn / Ferheng / Weşanxaneya Roşna
– Mealê Kirdî / Roşan Lezgîn / Quran / Weşanxaneya Roşna
– Vana / Berfîn Jêle / Şiîr / Weşanxaneya Vîr
– Dîwanê Arçugî / Mela Faruq Baynal / Hedrekerdiş: Murat Varol / Dîwan / Weşanxaneya Vîr
– Çoras Hedîs / Mela Faruq Baynal / Dînî / Weşanxaneya Vîr
– Kitabê Duayon / Mela Faruq Baynal / Dînî / Weşanxaneya Vîr
Not: Ez ro Vate geyra wa, la malûmatî nêday mi ke înan par qe kitabê kirmanckî çap kerdê yan nê…
