Keyeyê Gulîstan Dokuye resa Anqara û derbazê Meclîsî bi. Wina pawîyeno ke keye tewrê kombîyayîşanê HDP û CHPyî bibo û Serekê CHPyî reyde pêvînayîş bikero.
Wendekara Unîversîteya Munzurî Gulîstan Dokuye Dêrsim de 5ê çeleyê 2020î ra nata vînîbîyaye ya. Keyeyê Dokuye seba ke aqîbetê kênaya xo bimuso Dêrsim de ‘Nobeta Edaletî’ dabî destpêkerdene. Keyeyî bire daye ke Anqara de verê Meclîsî de çalakîya xo rê dewam bikero. Keye şewe resa Anqara.
Keyeyî serê sibayî waşt verê Meclîsî de eşkerayîyêke bido la polîsan keyeyî rê mudaxele kerd û nêverda ke keye eşkerayîye bido. Keyeyê Dokuye vera polîsan nêrazîbîyayîşê xo mojna û kewt Meclîs.
Keyeyê Dokuyî Meclîs de do tewrê kombîyayîşanê HDP û CHPyî bibo û Serekê CHPyî reyde ronişo. DÊRSIM
