Qezaya Meramî ya Konya de faşîstanê AKP-MHPyî reyna hêrişê keyeyê kurdî kerd. Hêrişê faşîstan de 3ê înan cinîyî 7 kesî ameyî qetilkerdene. Keyeyo kurd Dedeogullari 12ê gulane de raştê hêrişê 60 nîjadperestan amebi û endamê keyeyî giranî birîndar bibî. Hêrişakaran reyna hêrişê keyeyî kerd. Hêrişê faşîstan de keyeyê Dedeogullarî ra 3ê înan cinîyî 7 kesî ameyî qetilkerdene û vêşnayene.
Kerdox Mehmet Altuno ke qezaya Meramî ya Konya de keyeyê Dedeogullariyî ra 7 kesan qetil kerd, 5 rojî yo ke serbest gêreno. Keyeyê Dedeogullariyî seba asayîşê xo 3 kamera ronaybî banê xo ro. Kamera de yeno vînayene ke Altun keyeyê Dedeogullariyî ra Yaşar Dedeogullari (65), Serap Dedeogullari (36), Serpîl Dedeogullari (32), Sîbel Dedeogullari (30), Îpek Dedeogullari (57), Metîn Dedeogullari (45) û Bariş Dedeogullari (35) qetil keno. Avûkatê keyeyî dîmenanê kamerayan serdozgerîye ra waştbî, la neha niha tu cewabêk nêdîyayo avûkatî.
