Rojnameger Eylem Babayîgît di çarçoveya lêpirsîna Serdozgeriya Komarê ya Stenbolê de di 22yê Çileyê de hate binçavkirin û di 24ê Çileyê de bi îdiaya “endamtiya rêxistinê” hate girtin. Eylem Babayîgît, bi rêya parêzerê xwe peyamek şand.

Eylem Babayîgît ku li Girtîgeha Jinan a Bakirkoyê tê ragirtin, bi rêya parêzerê xwe ev peyam şand: “Ji bo pênûsa rojnamegeran li erdê nemîne, divê her ciwaneke Kurd xwe weke generalên biçûk ên Apê Mûsa bigihînin. Divê her jina ciwan li ser rêya Gurbetellî Ersoz bimeşe û mîrateya wê dewr bigire. Weke kedkarên Çapemeniya Azad ên girtî, em ê li hundir jî binivîsin. Dê ev darizandin û girtinên nehiqûqî nekarin bi me paşvegavê bidin avêtin. Hûn jî bibin dengê derve.” Eylem Babayîgît, herî dawî peyama piştevaniyê da.