Komîteya Wezîran a Konseya Ewropayê (KW-KE) ku ji çavdêrîkirina biryarên Dadgeha Mafên Mirovan a Ewropayê (DMME) berpirsyar e û her ji sê mehan carekê dicive, civîna 3 rojan a 30 Mijdar-2 Kanûnê li Strasboûrgê yê Fransayê pêk anî. Komîteyê piştî civînê li ser serlêdana Komeleya Hiqûqnasên Ji Bo Azadiyê (OHD), Weqfa Lêkolînên Civak û Hiqûqê (TOHAV), Komeleya Mafên Mirovan (ÎHD), Weqfa Mafên Mirovan a Tirkiyeyê (TÎHV) a ji bo Rêberê PKK’ê Abdullah Ocalan û girtiyên din Hayatî Kaytan, Emîn Gurban û Ciw-an Boltan de jî sekini û nirxand.

Komîteyê biryarên civînê aşkere kir û xwest ku der barê hejmara kesên ku di girtîgehê de ne û cezayê muebbetê li wan hatiye birîn de agahî bê dayîn. Komîteyê bang li rayedarên Tirkiyeyê kir û xwest herî dereng heta dawiya îlona 2022’an li ser pêşketinên di pêkanîna tedbîrên giştî yên girtigehan de agahiyan bidin. Komîteyê biryara xwe bi 7 sernavan rêz kir.