Tirkiyeyê di 14’ê nîsanê de bi hevkariya Partiya Demokrat a Kurdistanê (PDK) li dijî herêmên Zap, Metîna û Avaşîn ên Herêma Parastina Medyayê şerekî mezin dane destpêkirin. Şerê li herêmê bi dijwarî didome. Nûnerên partî û rêxistinên civakî bi pankarta “Li hember îxanêt û dagirkeriyê em ê xaka pîroz biparêzin.Bijî berxwedana rûmetê” vekirin. Hevserokê Kongreya Civaka Demokratîk (KCD) Berdan Ozturk, Hevserokên Giştî yên Partiya Herêmên Demokratîk (DBP) Saliha Aydenîz û Keskîn Bayindir, parlamenterên Partiya Demokratîk a Gelan (HDP), aktîvîstên Tevgera Jinên Azad (TJA), endamên Meclisa Dayikên Aştiyê û gelek welatiyên herêmê li Geverê kom bûn û beşdarî çalakiyê bûn.
