Bi boneya çilrojên erdhejên Gurgumê dê li bajaran merasîmên bîranînê bên lidarxistin. Newroza 2023’yan diyarî qurbaniyên erdhejê hate kirin û ji ber çilrojên erdhejê, dê di 17’ê adarê de pîrozbahî neyên lidarxistin. Dê bi pêşengtiya Kongreya Civaka Demokratîk (KCD), Kongreya Demokratîk a Gelan (HDK), Tevgera Jinên Azad (TJA), Partiya Herêmên Demokratîk (DBP) û Partiya Demokratîk a Gelan û bi beşdariya 6 hevserokên giştî, 19 endamên MYK’a HDP’ê û 33 parlamenteran, bi boneya çilrojên erdhejê li Hatay, Semsûr, Mereş, Amed, Meletî, Riha, Dîlok û Edeneyê merasîmên bîranînê bên lidarxistin.
Hevserokên giştî dê biçin serdana bajar û navçeyên di erdhejê de hilweşiyayî û beşdarî bîranîn, parî û mewlîdan bibin.
Hevberdevka HDK’ê Esengul Demîr, Hevserokê Giştî yê HDP’ê Mîthat Sancar, Hevberdevka Partiya Çep a Kesk Çîgdem Kiliçgun Uçar, endamên Lijneya Rêveberiya Navendî ya HDP’ê û parlamenter dê li Hatayê bin.
Hevseroka Giştî ya HDP’ê Pervîn Buldan, endamên MYK’a partiyê û parlamenter tev li merasîmên li Semsûrê bibin.
Hevserokê KCD’ê Berdan Ozturk, Berdevka Meclisa Jinan a HDP’ê Ayşe Acar Başaran, endamên MYK’ê û parlamenter dê li navçeya Bazarcix a Gurgumê; Hevberdevkê Partiya Çep a Kesk Îbrahîm Akin, Cîgirê Hevserokê Giştî yê HDP’ê Tayîp Temel, endamên MYK’ê û parlamenter li Narli ya Gurgumê; Cîgira Hevserokê Giştî yê HDP’ê Feleknas Uca û parlamenter jî dê li Elbistanê bin.
Hevseroka Giştî ya DBP’ê Saliha Aydenîz, Cîgirê Hevserokê Giştî yê HDP’ê Serhat Eren û parlamenter li Meletiyê; Berdevka HDP’ê Ebrû Gunay û parlamenter li Rihayê; Serokwekîlê Koma HDP’ê Sarûhan Oluç, endamên MYK’ê û parlamenter jî dê li navçeya Islehiye ya Dîlokê tev li çalakiyên bîranînê bibin.
Cîgirên Hevserokên Giştî, endamên MYK’ê û parlamenter dê tev li merasîmên bîranînê yên li Amed û Edeneyê bibin.
