Kayê tîyatroyî ‘Ez bi Rehetî Nêmirena’ Cemxaneyê Londonî de ame mojnayene.
Çarçewa Festîvala Elewîyan a Brîtanya ya 11. de ya ke bi şîarê ‘aştîye û edaletî’ yena kerdene, kayê tîyatroyî ‘Ez Bi Rehetî Nêmirena’ ame mojnayene.
Kay hetê huqûqnasê kurdî Alî Hasî ra nusîyayo û tede şaîrê pîlî Ahmed Arîf û Cemal Sureya yenê qalkerdene.
Hemsereka Cemxaneyî Fîlîz Koçe û temsîlkarê rêxistinanê demokratîkan zî tede xeylêk kesan kayê tîyatroyî seyr kerd. Kay de Goktay Tosun karakterê Cemal Sureya û Cuneyt Yalazî zî karakterê Ahmed Arîfî kay keno. Nesîmî Kaygusuz dîrektorîya kayî keno, Vedat Yildirim û Cansun Kuçukturke zî muzîkê kayî viraştî.
Kay zereyê yew vagonî de pê raywanîya Sureya û Arîfî dest pêkeno. Na raywanîye heman wextî de bena yew têrîameyîş. Kay de qala serebûtanê ê çaxî yê Kurdistanî, dormeyê çep û şorişgêrî zî yena kerdene. Kay de Cemal Sureyayo ke keyeyê ci surgunanê Terteleyê Dêrsimî ra yew bî, kesayetê ci yê dejinî û nasnameyê ci yê asîmîlekerdeyî yeno vindertene.
