Hefteya borî Serokkomarê Tirkiyeyê Tayîp Erdogan di bernameyek tv de gefa êrişê li Wargeha Penaberan a Şehîd Rûstem Cudî xwaribû û gotibû: “Me ji bo çareserkirina pirsgirêka Mexmûrê bi Neteweyên Yekbûyî û Hikûmeta Merkezî ya Iraqê re hevdîtin çêkirine. Eger ew destwerdan li ser Mexmûrê nekin, em ê wek dewlet êrîşî Mexmûrê bikin.”
Piştî van gotinên Serokkomar Erdogan îro balafira bêmirov ya Tirkiyeyê carek din Wargeha Penaberan a Şehîd Rûstem Cûdî ya Mexmûrê bombebaran kir.
Wargeha Penaberan ya şehîd Rustem Cûdî an ku Kampa Mexmûrê careke din ji alî balafirên bêmirov ên Tirkiyeyê hatin hedef girtin. li gorî nûçeyên deqeya dawî ji herêmê îro derdora saet 14.00 balafireke bêmirov a dewleta tirk êrîşî kampê kiriye.
