Rojnameyê Frankfurter Rundschau de ame dîyakerdene ke asayîşê kampa bextwaştoxan ê bajarê Grevenbroîch ê Almanya de casûsê MÎTî gurîyeno.
Goreyê detayanê ke derheqê serebûtê ajanîye de ma fînayî dest, ajanê MÎTî yo bi nameyê Arîf A. yo ke qezaya Grevenbroichî ya Dusseldorfî de kampêka bextwaştoxan de gurîyeno agahîyê bextwaştoxan resnayî Konsoloxaneyê Tirkîya yê Dusseldorfî.
Pêvînayîşê Arîf A.yî ra dima konsoloxaneyî belgeyî erşawitî mudurîyetê asayîşî yê Anqara. Hûmara telefon û yê nasnameyî yê Arîf A.yî ya dewleta tirkîya û sewbîna hûmar û agahîyê taybetî yê 8 kesan ke hemverê serdestîya AKP-MHPyî de yê, belgeyan de ca gênê. Goreyê belgeyê ke 4ê kanûne 2020î de ameyê amadekerdene aseno ke Arîf A. casûsêkê MÎTî yo û serra 2024î ra heta nika şîrketêka asayîşî de xebitêno.
Yeno texmînkerdene ke nêzdîyê 6 hezar casûsê MÎTê Tirkîya Almanya de est ê. Selahîyetdarê dewleta Almanya xeylê reyan ardo ziwan ke, seba sîyasetmedaranê kurdan amadekarîya suîkastî yena kerdene, la reyna zî Almanya nê casûsan rê çimê xo girewtî.
