Çalakiyên ji bo azadiya Rêber Abdullah Ocalan li gelek welatên cîhanê bi girseyî didomin. Li gelek welatên cîhanê jin û ciwanên enternasyonalîst û dostên Rêber Abdullah Ocalan ji bo azadiya Ocalan çalakiyan li dar dixin û azadiya Ocalan dixwazin. Li bajarê Torîno yê Îtalyayê jinên ciwan ên enternasyonalîst di çarçoveya pêngava “Ji Abdullah Ocalan re azadî ji pirsgirêka Kurd re çareseriya siyasî” meşiyan û berxwedana Rêber Abdullah Ocalan silav kirin. Rêxistinên cuda yên wekî Rete Jin, Fridays4Future, Verso il Kurdistan, StudentiIndipendenti beşdarî meşê bûn.
Di meşê de pankartên ku balê dikişîne ser paradîgmaya demokratîk, ekolojîk û azadîxwaziya jinê ya Abdullah Ocalan û li dijî mîlîtarîzmê vekirin. Di meşê de gelek jinên şoreşger ên wekî Sakîne Sansiz, şehîd Andrea Wolf, Fermandar Ramona, Shadia Abu Ghazaleh û Teresa Noce bibîranîn. Jinên li qada Piazza Castelloyê kom bûn, dirûşmeya “Libertà per Ocalan (Ji Abdullah Ocalan re azadî)” berz kirin.
Jinan di daxuyaniyê de destnîşan kirin ku yekane rêberê ku azadiya jinê diparêze Rêberê Gelan Abdullah Ocalan e, lewma azadiya Abdullah Ocalan tê wateya azadiya hemû jinan û wiha gotin, “Fikir û ramanên Rêber Apo yekane çavkaniya çareseriya krîzên li Rojhilata Navîn e.”
Jinan berxwedana gelê Kurd a di mîtînga Amedê ya 13’ê Cotmehê silav kirin. Çalakî li Piazza Castello bi gerandina govendê bi dawî bû.
