Tevgera Jinên Azad (TJA) starta çalakiyên xwe yên 8’ê Adarê Roja Jinan a Cîhanê li navçeya Kerboranê ya Merdînê bi daxuyanî û şahîyek da. Bêrîya dayîna startê jin bi cil û bergên xwe yên neteweyî bi dirûşma “Jin Jiyan Azadî “ daketin qadan. Jin ji bajarên herêmê yên wekî Amed û Êlîhê hatin Kerboranê û tevli çalakiyê bûn. Berdevka HDP’ê Ebru Gunay û parlementerên HDP’ê, dayika Garibe Gezer Halîme Gezer jî tevli çalakiyê bûn. Jinan pankarta “Dem dema Azadiya jinan e” vekirin û wêneyên Denîz Poyraz û Garîbe Gezer rakirin.
Li ser navê jinan Berdevka TJA’yê ya Mêrdîne Eylem Amak, daxuyanî da û wiha got: “Em starta 8’ê Adarê niha li Kerboranê didin. Em soz didin ku em ê têkoşîna Garibe Gezer mezin bikin û berdewam bikin. Ji ber tekoşîna azadiya jinê bûye tirsa îqtîdarê di sala 2021’an de êrîşên li dijî jinan zêde kir.
