Rojnameger, nivîskar û rexnegir Evrîm Alataş 11 sal beriya niha dı rojeke weki îro de ji nexweşîna pençeşêrê jiyana xwe ji dest da. Di sala 1994’an de dest bi rojnamegeriyê kir.

Alataş di rojnameyên wekî Yenî Polîtîka, Demokrasî, Ozgur Bakiş, Ulkede Ozgur Gundemê wekî nûçegihan xebitî. Pişt re wekî edîtor peywira xwe domand. Her wiha ji rojnameyên Evrensel, Bir Gun û Ozgur Polîtîkayê nîvîs nivîsand. Di kovarên wekî Esmer, Bîrîkîm, Amargi, Reş û Tirojê de nivîs nivîsand.

Hêjayî bibîrxistinê ye kuvê nexweşiya bê insaf tucaran Evrîm ji kar û xebatên çand û wêjeyêyî dûrnexist û heta bi kêlîka dawî ya jiyana xwe cihê xwe di nava nava kar û xebatan de girt.

Evrîm li kêleka nivîskariya xwe di amadekariyên rojên wêje, festîval û çalakiyên hunerî ên wê demê de cihekî xwe yê berz û bilind hebû.

Mixabin di temenekî ciwan de di 12’ê nîsana 2010’an de ji ber wê nexweşiya bêderman jiyana xwe ji dest da û malbat û dost û hevalên wê cenazeyê wê ji Amedê birin gundê ku lê jidayik bûbû.  Cihê jidayikbûna Evrîm  ango gundê Golpınar ê navçeya Akçadaga Meletiyê bû cih û warê koça wê ya dawî.