Di roja duyemîn ya bîranîna komkujiya mijdara 2019’an de gelên Îranê lı gelek bajar ü navçeyan bi dirûşmeya bimire dîktator daketin kolanên gelek bajar û navçeyan.

Dikandaran jî piştgiriyeke mezin da greva giştî û xwepêşandêran. Her wiha xwendekarên zanîngehan li zêdeyî 15 zanîngehan piştgirî da xwepêşandanên roja duyemîn yên bîranîna komkujiya mijdara 2019’an.

Li sernaserê Îranê xwepêşandan hebûn

Li Esfehanê xelkê bajarê Biharistanê bi şev daketin kolanan û dirûşmeyên li dijî rejîma Îranê dest bi xwepêşandanê kirin.

Li Azebeycana rojhilat li bajarê Tebrîzê xelk bi dirûşmeya bimire dîktator daketin kolanên bajêr. Her wiha li bajarê Behşehir gel bi dirûşmeya ‘Azadî Azadî’ bi şev daketin kolanên bajêr.

Li Xuresanê jî meş û xwepêşandan hebûn xelkên bajêr li kolana Ehmed Abadê li hem civiyan û gel dirûşmeyên ‘Azadî û biminre dîktator’ hildan.

Li Kermenşahê jî di xwepêşandanan de dirûşmeyên li dijî rejîma Îranê û Xameneyî hatin hildan.

Her wiha li Geylan, Faris û Tehranê jî meş û xwepêşandanên şevê hebûn û gel bi dirûşmên bimire dîktator bijî Azadî daketin kolanên van bajaran.

Hêjayî gotinê ye ku ev meş û xwepêşandanên dawî li ser banga gelek sazî û dezgehên sivîl pêk hat û bang li gel hate kirin ku ji bo salvegera serhildana gelê Îranê ya 2019’an û bîranîna kesên di wê serhildanê de jiyana xwe ji dest dabûn, ku rojên 15-16 û 17’ê mijdarê dakevin kolanan.