Di çarçoveya lêpirsîna Serdozgeriya Komarê ya Amedê û li ser biryara lêgerîn û binçavkirinê ya 3’yemîn Dadgeha Cezayên Sulhê ya Amedê; rojnameger, hunermend, siyasetmedar, sendîkavan û parêzer jî di nav de derheqê 216 kesan de biryara binçavkirinê hatibû dayîn. Di encama serdegirtinên malan de 128 kes hatin binçavkirin.
Ji rojnamevanan nûçegihana JinNewsê Bêrîtan Canozer û nûçegihanê Ajansa Mezopotamya Mehmetşah Orûç, piştî îfadeyên li dozgeriyê bi daxwaza girtinê sewqî Dadgeriya Cezayê Sûlhê hatin kirin.
Hunermenda şanoyê Elvan Koçer Yildirim sewqî Dadgeriya Cezayê Sûlhê hat kirin û li vir hat berdan.
Hunermenda şanoyê Şahperî Alphan Bayhan jî piştî îfade da dozgeriyê hat berdan.
