Nivîskar A. Rahîm Kiliç mijarên wekî; senaryo, taybetmendiyên senaristan, warên bi kar anîna senaryoyê, temaya senaryoyê, di senaryoyê de avakirina çîrokên dramatîk, tîp û karakter, senaryoyê de tevger, bi kar anîna demê, gotûbêj-diyalog, di senaryoyan de bi kar anîna muzîk û efektan, beşên senaryoyê û hwd. bi zimanê kurdî ji hev veçirandiye û bi navê “Ji Bo Fîlmekî Senaryo” kiriye pirtûk. Ev pirtûka nivîskar ya bi naverokeke têr û tije (senaryo, têkiliya senaryo û wêjeyê, dîroka senaryoyê vedorên kişandinê, kişandin, sehne, hewesa nivîsandinê, asta senaristan, nerîana senaristan, behreye romana dîtbarî, hêza xeyalan, tixûbên zimanê senaryoyê, sînema, fîlm, belgefîlm, sînema, rêzefîlm, kurtefîlm hwd.) ji Weşanxaneya Avestayê dertê.
Nivîskar A. Rahîm Kiliç, di sala 1974’an de li Qosera Mêrdînê ji dayik dibe. dibistana seratayî, navendî, amadehiyê li Serêkaniyê dixwîne. Li Zanîngeha Dîcleyê Fakulteya Ziman û Wêjeya Tirkî dixwîne. Demekê bi karê weşangerî û ragihandinê re eleqedar dibe. Di heman demê de mamostetiya tirkî dike. Di sala 2007’an de Zankoya Mêrsînê Fakulteya Televîzyon û Sînemayê dixwîne. Di sala 2012’an de li Amedê bi cih dibe û dest bi mamostetiya Radio û Televîzyonê dike. Li gel pirtûkên ku nivîsîne, heta niha gelek nivîs û helbestên wî di rojname û kovarên cûda de tê weşandin.
