Bi pêşengiya Koma Xebatê ya Mafên Mirovan a Kurdan û Înisîyatîfa Azadî ji Rêber Ocalan re ya Sûriyeyê li bajarê Capê Town ê Afrîkaya Başûr konferansa ‘Azadî ji Abdûlah Ocalan re, li dinyayê aştî û îstîkrar’ dest pê kir. Ji Bakurê Kurdistanê, Bakur û Rojhilatê Sûriyeyê û Afrîkaya Başûr gelek nûner tevlî konferansê dibin. Wê konferans du rojan bidome.

Berdevkê Kongreya Neteweyî ya Afrîkaya Başûr Cameron Dugmore, Nûnerê Partiya Komunîst a Afrîkaya Başûr Sollî Mbella, Berdevkê Kongreya Sendîkaya Karkeran a Afrîkaya Başûr Meloyn de Brûyn, Berdevkê Înisîyatîfa Azadî ji Rêber Ocalan re ya Sûriyeyê Ferzende Mûnzûr û Hevserokê Koma Xebatê ya Mafên Mirovan a Kurd a Afrîkaya Başûr axaftina destpêkê kirin.

Eleqeya ji bo konferansê gelekî zêde ye. Di konferansê de bandora azadiya fîzîkî ya Rêberê gelê kurd Abdûlah Ocalan ya li ser çareseriya doza Kurdan û tevkariya ji bo aştiya dinyayê tê nîqaşkirin.