Polîsan di 24’ê Îlonê be bi ser saziya MED-DER, Payîz Pirtûk û ANKA’yê de de girtin û di serdegirtina malan de jî 30 mamoste û xizmetkarên zimanê kurdî binçavkirin. Ji 30 kesan xebatkarê Payiz Pirtûkê Cîhat Guney di 25’ê îlonê de serbest berdan. 6 kesên bi navê Niştiman Gul, Nazan Çelîk, Şehriban Akçatulum, Mehmet Selim Temel, Hebun Yagmur, Hasan Îkvanise jî îro li midûriya polîsan serbest berdan.
22 kesên din jî îro di saetên serê sibê de sewqî dozgeriyê kirin. Dozger piştî îfadeya 22 kesan girt, pirsên “Xebatên MED-DER’ê çine?”, “Hûn çi karî dikin?”, “Hûn ji kê fermanê digirin?”, “Endaman dişine nava rêxistinê rast e?”, “Di navbera MED-DER, Payîz Pirtûk û ANKA’yê de têkilî çiye?” pirsîn. Dozger piştî lêpirsînê 7 kesen bi navê Hasan Gurpınar, Rabia Karayil, Ramazan Holat, Yaşar Aslan, Ahmet Boltan, Fatma Îgin û Cihat Cagrici serbest berdan.
2 kes sewqî dadgehê kirin
Dozger piştî îfadeyê Hevserokê MED-DER’ê Şukran Yakut û Mehmet Remzi Azîzoglu û Îpek Oyur, Berivan Duman, Rezan Aktulum, Beritan Gurbet Orak, Belkisa Suleymanoglu Bitkin, Şilan Elmas Kan, Mine Karakaş, Mehmet Salîh Ongun, Endama Lijneya Weşanê ya Jineolojiyê Rojda Yildiz, Ayhan Karatekin û Îlyas Gun bi şertê kontrola edlî serbest berdan. Dîlan Guvenç û Rifat Ronî jî bi îdîaya “endamtiya rêxistinê” sewqî Dadgeha Cezayê Sulhê kirin.
