Navenda Çavdêriya Mafên Mirovan a Sûriyeyê (SOHR) jî ragihand ku koma ku xwe wekî “Berxwedana Sûriyeyê ya ji bo rizgarkirina Colanê” binav dike û bi Hizbullaha Lubnanî re kar dike, 2 fûze ji Sûriyeyê ber bi Colanê yên dagirkirî ve avêtine. Hemwextî wê hêzên hikûmeta Şamê yên li gundewarê Dera û Quneytîrayê ketine seferberiyê.
Di agahiya SOHR’ê de tê gotin ku Israîlê jî tugaya Girê Qirs El Neqil û derdora bajarokê Heder ê gundewarê Quneytîrayê bombebaran kiriye. Lê agahiyên der barê zirar û windahiyên canî de nehatin bidestxistin.
