Wezîrê Karên Derve yê Îranê Hisên Emîr Ebdulehyan, der barê civîna dawîn a di navbera wî û wezîrên karên derve yên Sûriye, Rûsya û Tirkiyeyê de ku li paytexta Rûsya Moskovê pêk hatibû de ji Ajansa Nûçeyan a Îranê (ÎRNA) re axivî û got ku planeke ku Tirkiye û Sûriye ji bo vekişandina hêzên Tirkiyeyê ya ji Sûriyeyê li hev bikin pêşkêşî her du welatan kiriye.

Ebdulehyan behsa pirsgirêka sînorê hevbeş û ewlehiya wê ya di navbera dewleta tirk û Sûriyeyê de kir û anî ziman ku desthilata Sûriyeyê aliyê Îranê agahdar kirine ku li gel wê derkeft û amadekariyên guncaw hene ku ewlehiya sînorê hevbeş bi dewleta tirk re ji hundirê xaka Sûriyeyê ve biparêze.

Ebdulehyan, der barê mijarê de ev tişt gotin: “Me pêşniyar kir ku destpêkê aliyê Tirkiyeyê panbendî vekişîna hêzên xwe yên leşkerî ji xaka Sûriyeyê be û ya duyemîn jî divê Sûriyeyê hêzên xwe li ser sînor belav bike ku xaka Tirkiyeyê rastî gefan neyên.”

Herî dawîn Ebdulehyan diyar kir ku dê Îran û Rûsyayê di vê lihevkirinê de garantor bin.