Rêxistina Heqanê Merdiman a Îranî pare kerd ke çalakîyanê vera qetilkerdişê Jîna Emînî de tewr tay 50 kesî kişîyayê.
Rêxistina Heqanê Merdiman a Îranî bîlançoya 7 rojan a serê çalakîyanê vera qetilkerdişê Jîna Emînî eşkera kerde.
Rêxistine da zanayene ke çalakîyanê vera qetilkerdişê Jîna Emînî de Rojhelatê Kurdistanî û Îranî de tewr tay 50 kesî kişîyayê û xeylêk kesî zî ameyî destbendkerdene. Rêxistine pare kerd ke tewr tay 80 şaristanan de şar payan ser de yo û Babol, Amol û Rizanşare de tay çalakîkerî kişîyayî.
Rêxistine pê hesna ke çalakîkerî pê çekan yenê hedefkerdene û venga komelê mîyanneteweyî da ke vera serebûtan tewirê xo bimojno.
Hetê bînî ra rojnamegerê ke derheqê çalakîyan de xeberî kerdbî ameyî destbendkerdene. Rojnamegerî Nîlufer Hamedî, Yelda Meîrî, Fatîma Rajabî ameyî destbendkerdene. Nêzanîyeno ke Fatîma Rajabî ameya berdene bi kamca.
Goreyê agahîyanê ke Women in Journalismî dayê rojnamegerî vizêr şewe pê şîdetî ameyê destbendkerdene.
