Çendîn kesayetî ta êsta azaw biwêrane, qisey xoyan separet be komelêk pirsî siyasî kirduwe, keçî bedaxewe naçar be peşîmanî kirawn, eweş corêk le têk şikandinî şikow îradey takî komelgeye.
tikaye çîtir kesayetî em û ew tîror meken, wek takêkî komelge û mirovêkî kurdistanî têk meşkênin, ewey le çend rojî rabirdû rûyda, sebaret be qisekirdnî kesêk leser merce, kardanewey tundî lêkewtewe, eweş corêk le milmlanê siyasî nêwan hîzbekane, bê aga lewey şikow kerametî mirovêk pêşêl dekrêt, lepênaw berjewendî û razîkirdinî dilî em û ewlayenî siyasî, dwacarewey qurbaniye takekanin naçar be tomarî vîdyoyî dekrên û peşîmanî lejêr fişarda radegeyenin, eweş corêk lepêşêlkirdinî azadî bîrkirdnewew raderbrrîne, ewey zerer mende têda dwacar tenyaw tenya takî kurdistanî ye, debête qurbaniyekî bazarî sewdaw mameley siyasî! Tikaye ew tîror û têkişkandinî şikoy kesiyane ragrin.
Eger deselatdarêtî Kurdistan, rêkixiraw hîzbekan be hikûmet û perlemanîşewe, xelatî azayetî û biwêryan hebêt, yekem kes debê bidirêt be û kesêtyaney biwêrane qisey xoyan deken, ke eweş naken, têkyan meşkênin, ewey serkirdayetî siyasî kurd debêt bîkat, ke nawêrin bîken! Lêgerên hawlatiyan ray xoyan derbibirin pence bixene ser birînekan, serdemî muqedesat beserçû, sinûrî tabokanî têk bişkênrê. Ne ereb û ne fars û ne tirk biraw hawsozî kurd nîyn, hawpeymanîş nîyn, ta êsta amade nîyn maddey 140 cê becê biken, serkirayetî kurdîş mestî plew postin ziyatir, ne ew maddeye, le her derfetêk boyan biguncêt, xak û xolî Kurdistan desûtênin, wek ta êsta destyan ne parastuwe, seyrî serdemî rîfrandom biken, çi eşîrêkyan be kurd kird, hemû sinûr û firokexanekanyan daxist, bedbextî kurd lewe daye, berq û nadî siyaset dekat legel yektir, yektrî dadepaçê û malî kurd tefrûtuna dekat, deçêt xemî malî tir dekate kolî xoy, le xiyabî eqil, eweş behoy bîrteskî û berjewendî hîzbayetî û kurt bîniye, le êstada kurd le xeraptrîn doxdaye.
Ba bêynewe ser basî desturî êraq û Kurdistan hem fîdiralî, hawarî fîdiralî û dîmokrasî deken, xêre be hoy ray berêzêk em hemû bêrêzye be mîletêkî xawen enfal û kîmyabaran û deyan hezar şehîd dekrêt, herdu mezhebî sûne û şî’e, bizanin çyan bekurd kurduwe, kêşe eweye serkirdayetî kurd kolewar û nexwêndewar in, mêjû naxwênnewe, nexwêndewarî û cehalet welat berew wêranî debat, ewaney destê bijêrî siyasîn ta ser êsqan xerqî gendelî û needaletî û cehil bunetewe, le heşta salî hikumranî sûnne çyan be kurd nekird, hikumranî şî’e le êran deybîniyn rojane lawî kurd le şeqamekan dekrên bedarda.
Waz le sînaryo helbestrawekan bênin, ewey le Kurdistan deguzerêt, le cezîrey waq waqîş naguzerêt, hemûy debê teslîmî îradey kemîneyekî bîrteskî ser û deselat bêt, tenya foksî deselatdaranî Kurdistan sengeryan lêk girtuwew xerîkî mil badan û sirînewey yektrin, eqil xaybe, rîswayî û daweşan bo rawêjkaranî nêzîk le serkerdayetiyekan degerêtewe, nawêrin serûy xoyan rexne biken û bêyan gêrnewe ser xet, hoşdaryan pêbiden, têyan bigeyenin kame rastew kame nadirustte, tenya xemî ewanîş xotêr kirdine, le êstada ezmûnî herêm le lêwarî darûxandaye, eweş xewn û planî dagîrkerane, layekî Kurdistan supay tirkya dagîrî kirduwe, parey firoşî newt û gaz diyar nîye, dahatî xale sinûriyekan û nawxo diyarniye, budce le kurtiydaye, maaş lekatî xoy nadrêt, fezayekî siyasî na tendruste, hawlatyan be kulemergî dejîn, komelêk xewn û planî dagîrkeran le lêwarî bedîhatinin, serkirdayetî siyasî kurd hoşyarane kar bikat, gwê be rawboçûnî hawlatiyan û pisporan bidat bo derbaz bûn lem qeyrane naşerî û sepênrawe, waz hênan le paşqul lêkgirtin, welananî berjewendî hîzbî, waz hênan le dirow durûy, îradey tikaye çîtir îradew şikoy takî kurd têk meşkênin!
