Parlamenterê HDPyî Abdullah Koçî îfade kerd ke îqtîdar vera zerrîwaz û rêxistinanê sîvîlan têgêreno û wina vat: “Zerrîwaz û rêxistinê sîvîlî tîya de bîyî dest û çimê şarî la no çî seba îqtîdarî çîyêko xirab o.”

Koçî nê çîyî ardî ziwan ‘‘Îqtîdar seba ke sûcê xo binimno cayanê cîya-cîyayan ra qisûr gêreno. Seba ney zî ma vînenê ke bi nameyê ‘talankerî’ hêrişê bextwaştoxan kenê. Gere pêroyê sazgehê huqûqî hemverê ney de bivinderê. Destê înan de delîlêk û qerarê mehkema çin o û îşkenceyê şarî kenê. Ez wazena vajî ke nê tewir serebûtî zaf cîdî yê û gere ser o bêro vindertene.’’

Koçî wina dewam kerd: ‘‘Zerrîwaz û rêxistinê sîvîlî tîya de bîyî dest û çimê şarî la no çî seba îqtîdarî çîyêko xirab o. Coka ma vînenê ke îqtîdar vera nînan wazeno çîyêk bikero. Halo Îstîsnayî yo ke îlan kerdo, do dewamê ci bêhuqûqîye bibo. Sere de ma venga baroyan û huqûqnasan danê. Hewce keno ke nê herêman ra masayêk ronê û şarê xo rê xîzmet bikerê.’’