Îfadeyê 25 kesanê ke Rayraşîyayîşê Gemlîkî yê Kadikoyî de ameyî destbendkerdene, bê avûkatan ame girewtene. 25 kesî sewqê edlîye ameyî kerdene.

Vizêr Rayraşîyayîşê Gemlîkî yo ke vera tecrîdê Îmraliyî amebî kerdene, tede 70 kesî ameybî destbendkerdene. Kesê ke bi şîdetî ameybî destbendkerdene, ameyî berdene bi Mudirîya Asayîşê Stenbolî yê Vatanî. Kesê destbendkerdeyî 7 saetan wesayîtan de ameyî tepiştene, awe û nan nêdîya înan.

Hetê bînî ra polîsan rayîr nêda ke avûkatî nê kesan bivînê. Avûkatanê OHDyî reyde xeylêk kesî verê mudirîye de vindertî. Polîsan waşt ke avûkatan bi komanê 7 kesan bigêrê zerreyî la avûkatan no qebul nêkerd. Avûkatan verê bînaya asayîşî de dest pê çalakîya roniştişî kerd.

Îfadeyê kesanê destbenkerdeyan bê avûkatan ame girewtene û 25 kesî hema zî nezaret de yê. Wina pawîyeno ke nê kesî bêrê berdene bi edlîye. Nameyê kesanê destbendkerdeyan wina yê:

”Hemserekê HDPyî yê Stenbolî Ferhat Encu, Hemsereka Pêroyî ya Partîya Sosyalîstan a Bindestan Ozlem Gumuştaş, Hetkarê Serekê Partîya Şorişgêre Burcugul Çubuk, Eylem Çelîk, Onal Yusufoglu, Ridvan Karataş, Adem Gozungu, Elîf Bulut, Erhan Bayrak, Yaşar Gul, Muruvet Kuçuk, Çigdem Kiliçgun Uçar, Koray Turkan, Sedat Şenoglu, Nevzat Yeziz, Pinar Turk, Ezgî Gurbuz, Hatice Denîz Aktaş, Alî Îpeklî, Halîs Bîngol, Reşat Ayata, Mehmet Masyon, Alî Emre Ecer, Ronî Goren, Îsmaîl Temel.”