Komîteya Çalakiyan a Hevgirtina Rewşenbîrên Rojavayê Kurdistanê(HRRK), îro, li Navenda HRRK `ê civîna xwe ya asayî li dar xist û rewşa giştî ya çalakiyên HRRK’ê nirxand. Komîteyê her wisa biryar da ku çalakiya radestkirina (Xelata HRRKê ya Afirandinê) bo herdû xelatgirên xelata sala 2022’ê (Berzo Mehmûd û Mizgîn Tahir) roja Înê: 9 kanûnê, li Navenda HRRKê li dar bixîne.
Komîteya Çalakiyan ji Komîteya Kargêr a HRRK’ê xwest ku hemî hewldanên xwe bike da ku berî sersalê (Heyştemîn Kongireya HRRK’ê) li dar bikeve û rewşa HRRK’ê ya rêxistinî li gorî karûbarên wê guncawtir û tekûztir bike.
Komîteya Çalakiyan daxwaz kir ku Heyştemîn Kongire di bin heman duruşmeya 8.emîn Mihrîcanê de li dar bikeve anku bi dirûşmeya (Em li vir in ta dilopa dawîn a ximavê, ta dilopa dawîn a xwînê)
