Rêberê PKK’ê Abdullah Ocalan 24 sal û 9 meh in di tecrîda giran de tê ragirtin. Hezar roj derbas bû bi tu awayî agahî ji Ocalan nayê girtin. Ji bo agahî ji Rêber Ocalan bê girtin û azadiya fizikî ya Rêber Ocalan li cîhanê û Tirkiyeyê hamleyek hatiye destpêkirin. Ev hamleya ku ji aliyê dostên kurdan ve hatiye destpêkirin mezin dibe û belav dibe. Bi boneya tecrîd bi dawî bibe û Ocalan bi temamî ağzad bibe, bi etîketa “#TecridiKırmakİçinKartGönder (JiBoTecridêBişkîninKartBişînin)”, banga “nameyan ji Îmraliyê re bişînin” hat kirin.
Di parvekirinên hatin kirin de wiha hat gotin: “Tecrîda dermirovahî ya li Îmraliyê 1000 roj li dû xwe hiştin. Ji bo şikandina nepêwendîdanîna mutleq em kartan ji Îmraliyê re dişînin.”
Partiya Herêmên Demokratîk wiha bang kir: “Heya tecrîd neyê şikandin, dê demokrasî pêk neyê. Ji bo demokrasiyeke rasteqîn û ewle, tecrîdê rakin û guh bidin birêz Ocalan.”
Partiya Wekhevî û Demokrasiyê ya Gelan (DEM Partî) jî got: “Polîtîkaya tecrîdê rê li ber xizanî, şer û pevçûnê vekir. Ji bo aramiya gel, demildest divê tecrîd bê rakirin û qanûnên navneteweyî bên pêkanîn. “#TecridiKırmakİçinKartGönder”
