Îdarekarê qezaya Sinûnî ya Şingalî Xwedêda Çûkêyî polîtîkaya Kazimî rexne kerde û vat: “Hedefê hêrişan têna YBŞ nîyo pêro êzidî yê.”

Derheqê rewşa peyêne û hêrişanê vera Şingalî de Îdarekarê qezaya Sinûnî ya Şingalî Xwedêda Çûkêyî ANFyî rê qisey kerd.

Çûkêyî vist vîrî ke nê hêrişî seba caardişê Peymana 9ê Teşrîna Verêne yenê kerdene û vat: “Hedefê hêrişan têna YBŞ nîyo pêro êzidî yê. Artêşa Iraqî çarçewa Peymana 9ê Teşrîna Verêne de hêrişê Sinûnû Dugirî kerd. Kazimî seba ke sûnîyan û PDKyî ra paştî bigêro wextê awankerdişê hukmatê neweyî de Şingal de alozîye vete ke peymane bêra caardene. Nê hêzî wazenê Şingalî bivurnê sey verî.”

Çûkeyî qiseykerdişê xo wina dewam kerd: “Hukmatê Kazimîyî wazeno pêro destkewteyanê êzidîyan çin bikero. Eke êzidîyî bêçek bimanê sey wextê hêrişanê DAIŞî vera şarê ma tehlukeyêko pîl virazîyeno. Ganî verê alozî û provokasyonan bêro girewtene û rayîr nêro dayene ke Peymana 9ê Teşrîna Verêne bêra caardene. Ganî pêro êzidîyê ke kampanê PDKyî de manenê abigêrê Şingalî. Ganî hukmatê Iraq û Başûrî verê şarê ma de erkê xo bîyarê ca û mesuldarê dermanî ceza bikerê.”