Platformê Kede û Demokrasî yê Amedî eşkera kerd ke wa her kes weçînayîşanê 31ê adare de wayîrê rayanê xo bivejîyo.

Vervatoxê Platformî Bawer Baburî ard ziwan ke asayîşê sindoqan zaf girîng o û vat: “Şar seba asayîşê sindoqan qerqilîyeno. Partîyê îqtîdarî pêro îmkananê dewlete şuxilnenê la partîyê muxalefetî raştê teda û astengîyan yenê.

Roja weçînayîşan de ganî asayîşê sindoqan bêkêmasî bêro caardene. Heyetê Weçînayîşî yê Berzî (YSK) ganî bi hawayêkê xoserî têbigêro. Ganî erkdarê asayîşî zî goreyê standartanê demokrasîyî selahîyetanê xo bişuxilnê.”