Deweka Şela Pîle ya qezaya Hêni ya Amedî de leşkeran eşt keyeyêkî ser. Leşkeran pê derbkerdişî xeylêk merdimî destbend kerdî û dewe girewte binê ablûqa.

Deweka Şela Pîle ya dewa Şele ya qezaya Hêni ya Amedî de leşkeran eşt keyeyêkî ser. Goreyê agahîyanê ke ameyî destvistene leşkeran serê sibayî eşt keyeyê Opçînî ser.

Merdimanê keyeyê Opçînî da zanayene ke leşkerî hema zî keyeyê hîrê qatinî de cigêrayîş kenê, leşkerî nêverdenê çew debikewo keye. Ame parekerdene ke keyeyî ra vengê qîrayîşî ameyê.

Leşkeran sereştiş de Gokhan Yildiz, Berzan Yildiz, Ercan Yildiz û Cevat Yildiz destbend kerdî. La goreyê dewijan hûmara destbendkerdeyan zêdêr ê û ciwanê dewe pê derbkerdişî ameyî destbendkerdene.  Leşkeran dewa Şele girewt binê ablûqa.

Goreyê zanayîşan muxtarê dewe semedê sebebê sereştişî bimuso Fermandarîya Cendirmeyan rê telefon kerd û Fermadarîye zî vat ke leşkerê sereştişî Amedî ra ameyî. AMED